Трампнинг шифокоридан қизиқ баёнот: «Унинг соғлиғи ҳақидаги маълумотларни мен ёзмадим»
АҚШ президенти Доналд Трампнинг собиқ шифокори Ҳаролд Бронштейн 2016 йилги президент сайловидан аввал Трампнинг соғлиғи ҳақидаги маълумотларни у ёзмаганини, балки Трамп унга айтиб турганини маълум қилди. Бу ҳақда «Hurriyet» хабар бермоқда.
Ҳаролд Бронштейн Трамп президент бўлгунича унинг шифокори сифатида фаолият юритган.
2015 йилги соғлиққа доир хатда «Очиғи, агар Трамп президентликка сайланса, бугунгача АҚШ раҳбари бўлган кишилар орасида энг соғломи бўлади» деган жумла қўлланган эди.
АҚШнинг «NBC News» телеканалига интервью берган Ҳаролд Бронштейн Трампнинг хавфсизлик кенгаши раҳбари Кит Шиллер, Трампнинг адвокати Алан Гартен ва яна бир киши 2017 йил 3 февраль куни унинг идорасига кириб, тинтув ўтказганини айтди.
Шунингдек, Ҳаролд Бронштейн «New York Times» газетасида Трамп калликка қарши даволангани ҳақида мақола чоп этилганини айтиб ўтди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter