Йилнинг энг яхши авиакомпаниялари аниқланди
Энг яхши авиакомпаниялар рейтинги «Airline Ratings» саёҳатлар онлайн сервиси томонидан эълон қилинди.
Экспертлар рейтингни тузишда авиапарвозларнинг хавфсизлиги ва йўловчиларнинг парвоздан олган таассуротларига асосланишди.
Рейтинг етакчиси — «Singapore Airlines» (Сингапур). Компания ушбу рейтингнинг бир неча йўналишларида тенгсиз деб топилди. «Airline Ratings» бош муҳаррири Жеффри Томас «Singapore Airlines» тинмай янгиликлар устида ишлашига эътибор қаратди. У компания 2018 йили йўлга қўйган қўнмасдан энг олисга парвоз амалга ошириладиган Сингапур — Нью-Йорк йўналишини бунга мисол сифатида келтирди.
Янги Зеландиянинг «Air New Zealand» компанияси иккинчи, «Qantas» (Австралия) эса учинчи ўринда.
«Топ-10»га шунингдек, «Qatar Airways», «Virgin Australia», «Emirates», «All Nippon Airways», «EVA Air», «Cathay Pacific Airways» ҳамда «Japan Airlines» киритилди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter