Йўқолган ҳамён 65 йилдан кейин топилди
Америкалик аскарнинг 1953 йилда Корея урушидан сўнг уйига қайтаётиб йўқотиб қўйган ҳамёни орадан 65 йил ўтиб Францияда топилди ва ўша аскарнинг қизига берилди. Бу ҳақда «Hurriyet» хабар бермоқда.
1983 йили вафот этган америкалик Роберт Маккаскернинг қизи Шарон Мур шу йил июль ойида франциялик Патрик Каубетдан «Facebook» орқали дўст бўлиш таклифини олади ва бу таклифни рад этади.
Каубет йўқолган ҳамённинг эгасини қидираётганини айтиб, Мурга «Facebook» орқали бир нечта сурат жўнатади.
Суратлардан бири Шароннинг онаси, бири эса аммасиники эди. Шу билан бирга, суратлар орасида Роберт Маккаскернинг ҳайдовчилик гувоҳномаси ва суғурта карточкаси ҳам бор эди.
«Отамнинг ҳайдовчилик гувоҳномаси ва онамнинг суратларини кўриб, кўзларимга ишонмадим», – дейди Мур.
Жигарранг ҳамён Парижнинг жанубий-ғарбидаги Шатерлро қўрғонида топилган.
Ҳамён қандай қилиб Францияга келиб қолгани номаълум.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter