Олтин нархи тарихий рекордни янгилади
21 март кун бўлиб ўтган савдоларда олтин нархи тарихий рекордни янгилади. Comexдаги савдолар маълумотларига кўра, апрел фючерслари котировкалари бир троя унцияси учун $2225 гача ўсган (олдинги сессия ёпилишига +3 фоиз).
Тошкент вақти билан соат 15:20 да фючерс қиймати $2212,9 (+1,06 фоиз)ни ташкил этди.
АҚШ Федерал захира тизими асосий ставка 2024 йил охиригача сақланиб қолиши ҳақидаги прогнозини ўзгартирмаганидан сўнг, АҚШ доллари ва облигацияларнинг даромадгирлиги пасайди, деб ёзди Reuters.
ФЗТ 20 март куни ўтган йиғилишида фоиз ставкаларини аввалги — 5,25–5,5 фоиз даражасида сақлаб қолганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter