Хўл меваларни мунтазам истеъмол қилиш ўпкаларни ҳаво ифлосланишининг зарарли таъсиридан қисман ҳимоя қилиши мумкин.

Амстердамда бўлиб ўтган Европа нафас олиш жамияти (ERS) конгрессида ўз тадқиқотларини тақдим этган Лестер университети (Буюк Британия) олимлари шундай хулосага келишди. 

Тадқиқотда Буюк Британия Биобанкининг 200 000 га яқин иштирокчилари маълумотларидан фойдаланилган. Таҳлил шуни кўрсатдики, кунига тўрт ёки ундан кўп дона мева истеъмол қилган аёллар ҳавонинг юқори даражада ифлосланишида ўпка функцияси сезиларли даражада пасайган. Муаллифларнинг фикрича, бу ҳаводаги майда заррачалар келтириб чиқарадиган зарарни камайтиришга ёрдам берувчи меваларда антиоксидантлар ва яллиғланишга қарши бирикмаларнинг кўплиги билан изоҳланиши мумкин. 

Бу таъсир айниқса аёлларда яққол намоён бўлди, эркаклар эса ўртача ҳисобда камроқ мева истеъмол қилишди, бу эса ҳимоя таъсирини сусайтириши мумкин.

Олимларнинг таъкидлашича, соғлом овқатланиш экологик чоралар ўрнини боса олмаса-да, унинг ўпка учун фойдаси ифлосланган шаҳарларда қўшимча ҳимоя омили бўлиши мумкин. 

Олимлар шунингдек, мангони ҳар куни истеъмол қилиш шакар миқдори юқори бўлишига қарамай, диабет хавфини камайтиришга ёрдам бериши ҳақида маълум қилишганди.