Бугун Қонунчилик палатаси Марказий сайлов комиссиясининг 8 нафар янги аъзолари номзодини кўриб чиқди ва маъқуллади.

Булар:

• Эргаш Юсупов, Хоразм вилояти касаба уюшмалари ташкилотлари бирлашмаси;
• Зайниддин Низомхўжаев, Олий Мажлис Сенати раисининг ўринбосари;
• Александр Фармонов, «Ўзэлектроаппарат» АЖ бошқарув раиси маслаҳатчиси;
• Муяссар Қодирова, Ўзбекистон соғлиқни сақлаш ходимлари касаба уюшмаси Республика Кенгашининг Сурхондарё вилояти масъул ташкилотчиси;
• Баҳром Қўчқоров, Адлия вазири ўринбосари;
• Шуҳрат Жўраев, пенсияда;
• Орифжон Бозаров, Қарши муҳандислик-иқтисодиёт институти ректори;
• Алишер Усмонқулов, Жиззах политехника институти ректори.

Шунингдек, МСКнинг 7 нафар аъзоси ваколатлари тугатилди:

• Мирзо-Улуғбек Абдусаломов, Марказий сайлов комиссиясининг Раиси;
• Жанабай Содиқов, ҳуқуқшунос;
• Отагалди Бобожонов, Хоразм вилояти Қўшкўпир тумани Халқ қабулхонаси мудири;
• Муҳайё Жўраева, «Ҳунарманд» уюшмасининг Сурхондарё вилояти бошқармаси бошлиғи;
• Эсанбай Ражабов, Қашқадарё вилояти касаба уюшмалари ташкилотлаpи бирлашмаси pаиси маслаҳатчиси;
• Эркин Хўжақулов, Тошкент шаҳар умумюрисдикция судининг раиси;
• Жалил Норов (марҳум).

«Мирзо-Улуғбек Абдусаломов 16 йилдан буён Марказий сайлов комиссияси раиси лавозимида ишлаб келаётган эди. Демак, жорий йилги президентлик сайловларини бошқа шахс МСК раиси сифатида ўтказади», дея изоҳлади ҳуқуқшунос Хушнудбек Худойбердиев.