Тошкент шаҳрида маст ҳолда автомобиль бошқарган ҳайдовчилар сурати эълон қилинди
Тошкент шаҳар Ички ишлар бош бошқармаси маст ҳолда автомобиль бошқарган ҳайдовчилар суратини эълон қилди.
Хабарда айтилишича, 2018 йилнинг 20 январь куни, Тошкент шаҳар ИИББ ЙҲХБ ходимлари томонидан йўл-транспорт ҳодисаларининг олдини олиш ҳамда йўл ҳаракати қоидабузарликларига йўл қўйилганлик ҳолатларини аниқлаш борасида ўтказилган тадбир давомида бир қатор қонунбузарлик ҳолатлари аниқланди.
Тошкент шаҳар ИИББ хабарига кўра, ўтказилган тадбир жараёнида йўл ҳаракати иштирокчилари томонидан жами 3029 та қоидабузарлик аниқланган. Жумладан, маст ҳолатда транспорт воситасини бошқариш — 30 та, транспорт воситаларини ҳужжатсиз бошқариш – 81 та, светофорнинг тақиқловчи чироғига риоя қилмаслик – 72 та, ҳаракат давомида уяли телефондан фойдаланиш – 67 та, одам ташиши қоидаларини бузиш – 386 та, тезликни белгиланган меъёридан ошириш – 218 та, бўйсунмаслик - 14, хавфсизлик камарини тақиш қоидаларига бўйсунмаслик – 1239 та.
Жами 163 та транспорт воситалари жарима майдончасига қўйилган. Ҳозирда ушбу йўналишда тадбирларнинг ўтказилиши давом эттирилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter