Франция ЖЧдаги илк ярим финалчига айланди
Франция 2026 йилги Жаҳон чемпионатининг биринчи ярим финалчисига айланди.
Жаҳон чемпионати чорак финали ўйинида Франция Марокашни 2:0 ҳисобида мағлуб этди.
Франция терма жамоаси сардори Килиан Мбаппе 60-дақиқада гол урди. Олти дақиқадан сўнг яна бир француз ҳужумчиси Усман Дембеле ҳам тўп киритди.
Биринчи бўлимнинг ўрталарида Мбаппе пеналтини амалга ошира олмади. Бу йилги турнирнинг энг яхши тўпурари пойгасида Мбаппе аргентиналик Лионел Мессига етиб олди - иккаласида ҳам саккизтадан гол бор.
Қатарда бўлиб ўтган Жаҳон чемпионатининг ярим финалида ҳам французлар Марокашни 2:0 ҳисобида мағлуб этишганди.
14 июл куни бўлиб ўтадиган 2026 йилги Жаҳон чемпионатининг биринчи ярим финалида французлар Испания-Белгия ўйини ғолиби билан тўқнаш келишади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter