Чемпионлар лигаси ярим финали доирасида «Барселона» ўз майдонида «Ливерпуль»ни қабул қилиб, йирик ҳисобда ғалаба қозонди.

«Ливерпуль» Юрген Клопп тактик хатога йўл қўйгани ёки жамоаси кучсиз ўйин ўтказгани учун эмас, рақиб жамоа таркибида Месси ўйнаётгани учун шундай ҳисоб қайд этилди.

«ЕЧЛнинг фаворити – Мессиси бор жамоа» деган Пачетино ҳақ бўлиб чиқяпти. Албатта, ҳали қарама-қаршилик тугамади ва «Ливерпуль» жавоб ўйинида ўз майдонида мўъжиза кўрсатишга уриниб кўради. Аммо унгача ҳамма олқишлар «Барселона» ва Мессига йўналтирилади.

Роппа-роса 14 йил аввал афсонавий Роналдиньонинг чиройли пасидан чиройли гол уриб, ўз номини биринчи бор катта футбол таблосига ёздириб қўйган Месси, бугун ўзининг 600-голини фантастик тарзда «Ливерпуль» дарвозасига жойлади.

#barcelona #messi #Liverpool

Please RT and like pic.twitter.com/15OJdwXtHL

— Onur (@Onur23121) 1 Mayıs 2019

Барселона (Испания) – Ливерпуль (Англия) 3:0

Голлар: 1:0 – 26 Суарес, 2:0 – 75 Месси, 3:0 – 82 Месси.

Барселона – тер Стеген, Пике, Альба, Серджи Роберто (Аленья, 90), Лангле, Ракитич, Бускетс, Видаль, Коутиньо (Нелсон Семеду, 60), Месси, Суарес (Дембеле, 90).

Ливерпуль – Алиссон, Матип, Робертсон, Гомес, ван Дейк, Кейта (Хендерсон, 24), Фабиньо, Вейналдум (Фирмино, 79), Милнер (Ориги, 85), Мане, Салах.

Огоҳлантиришлар: Лангле (39), Фабиньо (81), Суарес (81), Альба (86).