УЕФАнинг Ньон шаҳридаги қароргоҳида Европа Чемпионлар лигасининг чорак финалига қуръа ташлаш маросими бўлиб ўтди. Унга кўра «Барселона» клуби ярим финал йўлланмаси учун «Манчестер Юнайтед»га қарши майдонга тушадиган бўлди.

Чорак финалдаги барча жуфтликлар қуйидагича кўриниш олган:

«Аякс» (Нидерландия) – «Ювентус» (Италия)

«Ливерпул» (Англия) – «Порту» (Португалия)

«Барселона» (Испания) – «Манчестер Юнайтед» (Англия)

«Тоттенхэм» (Англия) – «Манчестер Сити» (Англия)

Шунингдек чорак финал қуръаси якунига етгандан сўнг, ярим финалчилар ҳам худди шу йўсинда аниқлаб олинди. Унга кўра, қуйидаги жуфтликлар ғолиблари ярим финалда ўзаро тўқнаш келиши лозим.

«Тоттенхэм» - «Манчестер Сити» / «Аякс» - «Ювентус»

«Барселона» - «Манчестер Юнайтед» / «Ливерпул» - «Порту»

Чорак финалнинг илк ўйинлари 9-10 апрел кунлари бўлиб ўтади. Жавоб баҳслари эса 16-17 апрел санасига белгиланган.

Ярим финалнинг илк ўйинлари 30 апрел/1 май кунлари ўтказилади. Жавоб ўйини эса 7/8 майга белгиланган.

Финал баҳси 1 июнда Мадриддаги "Ванда Метрополитано" стадионида ўтказилади.