Россия чемпионатининг 27-туридан ўрин олган «Ростов» – «Краснодар» учрашуви якунига етди. «Ростов-Арена»да кечган баҳсда дуранг натижа қайд этилди.

Учрашувнинг 25-дақиқасида меҳмонлар пенальтидан гол уриб олдинга ўтиб олишди. Ҳамюртимиз Элдор Шомуродов мазкур баҳснинг 67-дақиқасида захирадан майдонга тушди ва бу ўзгариш самара бермай қолмади.

89-дақиқада Элдор ўзи бошлаган ҳужумни гол билан якунлаб, ростовликларни мағлубиятдан қутқариб қолди. Ҳакам томонидан қўшиб берилган вақтда Шормуродов ғалаба тўпини киритиши мумкин эди, бироқ унинг бош билан берган зарбасини меҳмонлар посбони қайтариб қолди.

Шу тариқа, «Ростов» очколарини 37тага етказиб олган ҳолда 7-ўринда бормоқда. «Краснодар» (47) эса 3-поғонадан жой олган.

РПЛ, 27-тур
«Ростов» – «Краснодар» 1:1 (0:1, 1:0)
Голлар: 0:1 – 25, пенальти Классон, 1:1 – 89 Шомуродов.
«Ростов» – Песьяков, Гацкан, Хаджикадунич, Новосельцев, Норманн, Паршивлюк, Чернов, Еременко, Глебов (Калачев, 68), Попов (Сигурдарсон, 90), Ионов (Шомуродов, 67).
«Краснодар» – Сафонов, Петров, Мартинович, Спайич, Рамирес, Газинский, Фьолусон, Перейра (Ольссон, 83), Вандерсон (Сулейманов, 71), Игнатьев (Ари, 66), Классон.
Огоҳлантиришлар: Новосельцев (24), Глебов (67), Газинский (72), Хаджикадунич (85), Паршивлюк (90).