«Asus» компанияси дунёдаги энг кучли смартфонни тақдим этди. «ROG Phone» номини олган қурилмага ҳатто ҳаво ёрдамида совутиш тизими ҳам ўрнатилган, деб хабар беради «Hi-News».

«ROG» — бу «Asus» компаниясининг ўйин учун мўлжалланган йўналиши.

Смартфон ўзининг олд кўриниши билан ажралиб турмайди. Бироқ орқа томони фойдаланувчиларни ҳайратга солиши табиий. Унинг дизайни худди спорт автомобиллари каби ишланган бўлиб, панельга ҳаво ёрдамида совутишга хизмат қиладиган тешик ҳамда «ROG» логотипи ўрнатилган.

Қурилма «Snapdragon 845» процессори ёрдамида ишлайди. Аммо «Asus ROG Phone» улардан анча кучли. Гап шундаки «Snapdragon 845»нинг такт частотаси 2,8 гигагерцни ташкил этади. Асус эса уни 2,96 гигагерцга қадар кўтарган. Шунингдек, унда 8 гигабайт тезкор хотира ҳам мавжуд.

«Asus ROG Phone»га 90 герц частотали «AMOLED» дисплейини ўрнатган. Қурилма «Android 8.1 Oreo» операцион тизимида ишлайди. 12 + 8 мегапикселли иккиталик камерага (тасвирга олиш кенглиги 120 даража) эга. Аккумулятор сиғими 4000 мА/соат.