Farg‘onada 14 yoshli qiz o‘z joniga qasd qilmoqchi bo‘ldi
Ijtimoiy tarmoqda Farg‘ona shahrida maktab o‘quvchisi bo‘lgan qiz o‘zini 16 qavatli uyning tomidan tashlamoqchi bo‘lgani haqida xabar tarqalgan. Holat yuzasidan Bosh prokuratura matbuot kotibi Hayot Shamsutdinov rasmiy ma’lumot berdi.
Aniqlanishicha, 14 yoshli qiz D.K. (maktab o‘quvchisi) o‘gay otasi bilan o‘zaro janjallashib qolishi natijasida Farg‘ona shahrining Tarona ko‘chasida joylashgan 16 qavatli uyning tomiga chiqib olgan hamda u yerdan pastga o‘zini tashlab, o‘z joniga qasd qilmoqchi bo‘lgan.
Voqea joyiga borgan Farg‘ona shahar IIB va FVV xodimlari D.K.ni tomdan sog‘-omon tushirib olishgan.
Mazkur holat yuzasidan Farg‘ona shahar prokuraturasi tomonidan tergovga qadar tekshiruv harakatlari o‘tkazilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter