AQSh prezidenti Donald Tramp tashabbusi bilan tashkil etilgan Tinchlik Kengashi G‘azo sektorini qayta tiklash rejasini taqdim etdi. Uni amalga oshirish uchun 2,45 milliard dollar kerak bo‘ladi.

BBC xabariga ko‘ra, kengash hozirda 280 million dollar mablag‘ga ega ekanligini tan oldi, G‘azo sektorini o‘n yil ichida to‘liq qayta tiklash uchun esa 71,4 milliard dollar kerak bo‘ladi.

BMT Bosh Assambleyasida taqdim etilgan reja 66 ta loyihadan iborat bo‘lgan olti oylik dasturdir. Bular orasida vayronalarni tozalash, shifoxonalarni ta’mirlash, vaqtinchalik uy-joylar qurish, elektr energiyasi va suv ta’minotini tiklash, chiqindilarni olib chiqish va xavfsizlik kuchlarini joylashtirish kabilar bor. Kengash ijroiya qo‘mitasi a’zosi Jared Kushner taqdimotning maqsadi kengashning qayta tiklash rejasini amalga oshirishga «qat’iy majburiyatini» namoyish etish ekanligini aytdi.

Kushner loyiha «turli sabablarga ko‘ra kechikishlarga» duch kelayotganini tan oldi. G‘azo ijroiya qo‘mitasining yana bir a’zosi, AQShning tinchlik bo‘yicha maxsus elchisi Stiv Uitkoff kengash so‘nggi bir yil ichida «haqiqiy taraqqiyotga» erishganini aytdi. «Barcha garovga olinganlar uylariga qaytishdi. O‘t ochishni to‘xtatish amal qilmoqda, garchi u mukammal bo‘lmasa-da, lekin u mavjud», deya qo‘shimcha qildi u.

Tinchlik Kengashi 2025-yil noyabr oyida tashkil etilgan va BMT Xavfsizlik Kengashi rezolyusiyasi bilan tasdiqlangan. Yangi tashkilotning nizomi 2026 yil yanvar oyida Davosda imzolangan. U G‘azoda o‘tish davri ma’muriyati uchun BMT mandatini oldi va u yerga tartibni saqlash va jangari guruhlarni qurolsizlantirish uchun Xalqaro beqarorlashtirish kuchlarini joylashtirdi. Kengashga qariyb 30 ta davlat a’zo (ular orasida O‘zbekiston ham bor).