Jahonda harbiy xarajatlar 2026-yilda 3,29 trln dollarga yetadi
Jahon harbiy xarajatlari 2026-yilda 3,29 trillion dollarga yetadi. Bu haqda SIPRI, NATO va milliy idoralar ma’lumotlari dalolat bermoqda.
Solishtirish uchun: 2025-yilda jahon bo‘yicha harbiy xarajatlar 2,95 trln dollarni tashkil etgandi.
Global mudofaa xarajatlarining uchdan bir qismi 2025-yilda AQSh hissasiga to‘g‘ri keldi (954 milliard dollar), NATOning qolgan mamlakatlari umumiy xarajatlari esa taxminan 550 mlrd dollarni tashkil etdi. AQSh xorijga qurol-yarog‘ sotishni ko‘paytirgan: 2021-yilda 54 mlrd dollar edi, 2025-yilda kamida 64 mlrd dollargacha o‘sdi.
So‘nggi besh yilda qurol-yarog‘ning eng yirik qabul qiluvchisi Ukraina bo‘ldi. 2021-yildan 2025-yilgacha bo‘lgan davrda yetakchi import qiluvchilar qatoriga, shuningdek, Hindiston (56 mlrd dollar), Saudiya Arabistoni (46 mlrd), Qatar (44 mlrd) va Pokiston (29 mlrd) kirdi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter