Kongoda 14 kishi noma’lum kasallikdan vafot etdi
Kongo Demokratik Respublikasi g‘arbida Kvango provinsiyasidagi deputatlar milliy parlament spikeri Kristof Mbozoga mintaqada noma’lum kasallik epidemiyasi kelib chiqishiga qarshi shoshilinch choralar ko‘rishni so‘rab murojaat qildilar. Bu haqda mahalliy «Actualite» nashri xabar berdi.
«Noma’lum kasallik vatandoshlarimizni o‘ldirmoqda, 14 kishi olamdan o‘tdi. Ushbu kasallikning kelib chiqishi hanuzgacha noma’lum», — dedi parlament a’zosi Pasi Zapamba.
Viloyat gubernatori Jan-Mari Pti-Pti o‘z navbatida Frans Press agentligiga ma’lum qilishicha, noma’lum kasallik ilk bor bir oy oldin qayd etilgan. Hozirgacha faqat 60 yoshdan 80 yoshgacha bo‘lgan keksa odamlar uning qurboniga aylanishgan. Ularning hammasi Kasongo-Lunda hududida istiqomat qilishgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter