Collins луғати 2026 йил сўзини танлади
Буюк Британияда нашр этиладиган Collins инглиз тили луғати 2026 йилнинг энг оммалашган сўзини танлади. Мазкур мақомга «моггинг» (mogging) сўзи лойиқ кўрилди.
«Моггинг» — бирор кишидан устун келиш, ўз жозибаси ёки муваффақияти билан бошқаларни сояда қолдириш ҳаракатини англатади. Ушбу сўз ёшлар сленгидаги AMOG қисқартмасидан келиб чиққан деб ҳисобланади.
Луғат тузувчиларининг қайд этишича, «моггинг» сўзи Z ва Алфа авлоди вакиллари томонидан кўпроқ ҳазил ва пичинг маъносида — кимдир бошқа бир инсоннинг соясида қолиб кетган вазиятларни таърифлаш учун ишлатилмоқда.
Шунингдек, йил сўзи бўлишга даъвогарлар рўйхатидан «карспрединг» (автобус ёки поездда ёнма-ён ўтирганда оёқларни кенг ёйиб, бошқаларга халақит бериш), «манчестеризм», «иссиқлик тўлқини» ва «арвоҳ-вакансиялар» (аслида мавжуд бўлмаган сохта иш ўринлари) каби сўзлар ҳам жой олган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter