Ҳиндистондаги авиашоуда йирик ёнғин: 300 та автомобиль ёниб кетди
Ҳиндистоннинг Карнатака штати Бангалор шаҳрида ўтказилган «Aero India-2019» авиашоусида содир бўлган ёнғин оқибатида 300 та транспорт воситаси ёниб кетди, деб хабар бермоқда «Корреспондент.net».
Ёнғин Елаханка аэродроми ёнидаги автотураргоҳда чиқиб, автобус, енгил машина, мотоцикл ва скутерларни қамраб олган.
Ёнғинга кимдир сигаретани ўчирмасдан қуруқ ўтга ташлагани сабаб бўлиши мумкинлиги айтилмоқда. Кучли шамол эса ўтнинг янада авж олишига сабаб бўлган.
Ёнғин жойига 12 та ўт ўчирувчи машина етиб келган, вазиятни баҳолаш учун вертолёт юборилган. Айни дамда олов тўлиқ бартараф этилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter