Кучли зилзила оқибатида Олмаотада одамлар деразадан сакраб жароҳат олишди
23 январь куни эрталабги ҳолатига кўра, шифокорлар зилзила пайтида жабрланган саккиз нафар Олмаота аҳолисига ёрдам кўрсатган. Бир киши оғир жароҳат олди, унинг аҳволи оғир, деб хабар бермоқда Zakon.kz.
Ер силкинишлари пайтида иккинчи ва учинчи қават деразаларидан сакраб уч киши жароҳатланган.
«Тезкор кўрикдан сўнг икки жабрланувчи амбулатор даволанишга жўнатилди, учинчи беморнинг аҳволи оғир деб баҳоланиб, у касалхонага ётқизилди», — дейилади Олмаота соғлиқни сақлаш департаменти матбуот хизмати хабарида.
Беш киши уйдан чиқиб қочаётганда жароҳатланган. Барча зарур тиббий ёрдам кўрсатилгач, улар амбулатор даволанишга жўнатилган.
Эслатиб ўтамиз, кеча тунда Хитой-Қирғизистон чегарасида 7 магнитудали зилзила содир бўлди. Ушбу зилзила водий вилоятлари ва Тошкентга ҳам таъсир қилди.
Олмаотадаги зилзила кучи беш баллга етган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter