Лукашенко олтинчи марта президент бўлмоқчи
Беларусь Республикаси президенти Александр Лукашенко мамлакат президентлиги учун сайловларда олтинчи маротаба қатнашиш ниятини билдирди. Бу ҳақда ТАСС хабар берди.
«Ўзимнинг ва мамлакатнинг ҳозирги ҳолати, менга нисбатан муносабатдан келиб чиқиб, ўз номзодимни президентликка кўрсатмаслигим мумкин эмас», — деди Беларусь раҳбари.
Лукашенко «ҳаммаси қонун бўйича бўлишига» ваъда берди.
Унинг фикрича, мамлакат янги конституциясини қабул қилиши зарур.
Мавзуга оид: Бутефлика бешинчи марта президент бўлмоқчи
«Янги конституцияни қабул қилишимизга тўғри келади, назаримда. Ҳукуматнинг бошқа устунлари — қонунчилик ва ижроия ҳокимиятини кучайтиришимиз шарт», — таъкидлади Лукашенко.
Александр Лукашенко 1994 йилнинг июлидан бери Беларусни бошқармоқда. Унинг ҳозирги бешинчи президентлик муддати 2020 йилда ниҳоясига етади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter