Путин узоқ кутилган ҳужум бошланганини эълон қилди
Россия президенти Владимир Путин Украинанинг қарши ҳужуми бошланганини ва бунга стратегик захиралардан фойдаланиш далил эканини айтди.
Бу ҳақда ТAСС хабар бермоқда.
«Биз мутлақо аниқ айта оламизки, Украина қарши ҳужуми бошланди ва бу стратегик захиралардан фойдаланишдан далолат беради», деди президент.
Aввалроқ Британия штаби собиқ раҳбари Ричард Даннат BBC нашрига берган интервюсида Украина ҳарбийлари Россия армияси мудофаа чизиғида заиф томонларни қидираётганини айтган.
Даннатнинг сўзларига кўра, Каховка ГЭСи вайрон бўлганидан кейин юзага келган сув тошқинлари туфайли Украина Қуролли кучлари Херсон орқали Қримга ўта олмайди. Шу муносабат билан қарши ҳужум кутилганидан секинроқ бошланади. Украина қуролли кучлари Ғарб танклари ва бошқа ҳарбий техникаси билан Россия позицияларига ҳужум қилиш ниятида, дейди генерал.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter