Янги йил кечаси Рим ўлик қушлар «ёмғири» остида қолди (видео)
Янги йил кечаси Рим шаҳри ўлик қушлар «ёмғири» остида қолган. Шаҳарнинг ҳудудларида жонсиз қушлар топилган.
Маълум бўлишича, Италия пойтахтининг марказий кўчалари, станциялари пиротехника воситаларининг кучли шовқини туфайли ўлган қушларга тўлган. Corriere della Sera газетаси бу ҳақда ижтимоий тармоқлардаги кўплаб фото ва видео далилларга асосланиб хабар бермоқда.
Ижтимоий тармоқ фойдаланувчилари ярим тунда пиротехника ва салютлар отила бошлагандан сўнг, қўрқиб кетган қушлар кучли портлашлардан қочишга уринишганини, ўлик қушларнинг том маънода «ёмғири» туширилган видеоларни жойлаштиришган.
Халқаро ҳайвонларни ҳимоялаш ташкилоти уларнинг ўлими пиротехника билан боғлиқ бўлиши мумкинлигини айтди: яъни қушлар кучли овоздан қўрқиб кетиб йўналишни бузишган, тўсиқларга дуч келишган ва юрак хуружидан ўлишган.
Италияликлар ижтимоий тармоқларда гувоҳи бўлган аянчли воқеадан кейин янги йилни нишонлаш истаги йўқолганини ёзиб қолдиришган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter