Кеча Тошкентда дарахтга бориб урилган автобуснинг ҳолати (фото)
Кеча, 26 июнь куни Тошкентда йўловчи автобусининг дарахтга бориб урилгани ҳақида хабар берган эдик.
Сўнг, ушбу ҳодиса тафсилотлари маълум қилинди. Бобур кўчаси бўйлаб ҳаракатланиб кетаётган «Mercedes-Benz» русумли автобус 1-сонли «Бахт уйи» (собиқ 1-ФҲДЁ) қаршисида дарахтга бориб урилган, натижада синган дарахт автобус ва шу ерга қўйиб кетилган «Cobalt» автомобили устига қулаган. Енгил машина ичида бу вақтда ҳеч ким бўлмаган.
Автобус салонида эса 16 киши бўлган. Воқеа жойига энг яқин бўлган Текстил комбинати шифохонасига уч киши, 16-шаҳар тез тиббий касалхонасига тўққиз киши олиб борилган. Улардан бир кишининг оёғи сингани аниқланган.
Телеграммдаги «Водители Ташкента» гуруҳида ҳалокатга учраган автобуснинг фотосуратлари жойлаштирилди.
Фотолардан кўриш мумкинки, дарахтга бориб урилиши натижасида автобуснинг олд қисмига жиддий зарар етган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter