Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Диққат! Энди тўхташ тақиқланган жойга қўйилган машинани камера аниқлайди

Диққат! Энди тўхташ тақиқланган жойга қўйилган машинани камера аниқлайди

Фото: Тошкент шаҳар ИИББ

Ички ишлар бош бошқармаси томонидан йўл қоидаси бузилишини аниқлайдиган AutoCon-SC/M комплекс тизими модернизация қилинди ва 3.27 белгига («Тўхташ тақиқланган») амал қилмайдиган автомобиллар ҳам тизимда қайд этиладиган бўлди. Тизимдаги янгиланиш кеча, 25 март санасида тест тариқасида синовдан ўтказилган.

Эслатиб ўтамиз, AutoCon-SC/M комплекс тизими Тошкент шаҳар ички ишлар бошқамасининг ЙҲХБ автомобилларининг баъзиларига ўрнатилган. Автомобилнинг олд ойнаси ортига ўрнатилган видеокамера 58 давлатга тегишли рақамларни аниқлай олади ва йўл ҳаракати қоидалари бузилишини автоматик тарзда қайд этади.

Тўхташ тақиқланганини билдирадиган 3.27 белгиларига амал қилмаслик қоидабузарлиги эса AutoCon-SC/M тизими ўрнатилган автомобилда шаҳар кўчаларини айланиш орқали аниқланади. Қоидабузарлик ҳақидаги маълумот дарҳол интернет орқали йўл ҳаракати хавфсизлиги бошқармасининг компьютер тизимига келиб тушади.

Қоидабузарлик бўлганини автомобил эгаси пропискадан ўтган хонадонга юбориладиган хат ёки 8860 рақамига SMS-талабнома юбориш орқали аниқлаш мумкин. Бунинг учун автомобилнинг Давлат рақами, бўш жой, техпаспортнинг серия+рақами (масалан: 01A123AA AAC1234567) ёзилган SMS 8860 рақамига юборилиши керак. Ҳар бир кирувчи SMS-хабар нарҳи 210 сўм.

Ушбу хизмат UMS, Ucell, Uzmobile и Beeline компаниялари орқали амалга оширилиши мумкин. Эслатиб ўтамиз, тўхташ тақиқланган 3.27 белгига амал қилмаслик энг кам иш ҳақининг уч баробари (608 190 сўм) миқдорида жаримага тортилишга сабаб бўлади.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг