Humo Arena’да жиноий гуруҳ аъзолари билан тўқнашув юз бергани рад этилди
25 ноябр куни Тошкентдаги «Humo arena» саройида «Jah Khalib»нинг концерт дастури олдидан тартибсизлик юзага келгани хабар қилинганди.
Миллий гвардия мазкур ҳолат бўйича айрим ижтимоий тармоқларда тарқалаётган хабарларга расмий муносабат билдирди.
Қайд этилишича, айрим кимсалар томонидан «Минглаб одамлар концертга сохта чипталар ёрдамида киришга уринган пайт, жиноий гуруҳ аъзолари ҳамда хавфсизлик кучлари ўртасида тўқнашув бўлган» деган маълумотлар тарқатилмоқда.
Миллий гвардия фуқаролардан бу каби ёлғон хабарларга ишониб қолмасликларини сўраган. Шунингдек, ижтимоий тармоқ фаолларидан асосланмаган ва текширилмаган маълумотларни тарқатмасликларини сўраб, ёлғон маълумотлар тарқатганлик учун жавобгарлик борлигини эслатиб ўтган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter