Байрам ва муҳим саналар

• Геноцид қилинган озарбайжонлар куни (Озарбайжон).
• Озодлик куни (Малта).
• Цезар Чавес куни (АҚШ, Калифорния). АҚШда мексикалик муҳожирлар оиласида туғилган Цезар Чавес муҳожирларнинг ижтимоий ва фуқаролик ҳуқуқлари учун курашган.
• Хансик байрами (Корея Республикаси). Шу куни иссиқ овқат тайёрланмайди, ўтганларнинг қабрларига ноз-неъматлар олиб борилади.

Воқеа-ҳодисалар

• 1284 йил — епископ Эли Питерхаусга асос солди. Бугун у Кембриж университетининг энг кўҳна ва кичик коллежи.
• 1770 йил — Янги Зеландияни тадқиқ қилиб, унинг орол эканини аниқлаган инглиз денгизчиси Жеймс Кук ғарбга — Австралияга сузиб кетади.
• 1814 йил — Лавилет қишлоғида Парижнинг таслим бўлиши тўғрисидаги ҳужжат имзоланди. Шу билан Наполеон урушлари хотима топди.
• 1831 йил — Квебек и Монреал шаҳар мақомига эга бўлди.
• 1856 йил — яҳудийларга Россия флотида хизмат қилиш тақиқланди.
• 1889 йил — Парижда Эйфел минорасининг тантанали очилиш маросими ўтказилди. Конструктор Густав Эйфел миноранинг тепасига француз байроғини илиб қўйди.
• 1893 йил — америкалик Уиткомб Жадсон кийим тугмасига муқобил ишланма — «молния»ни ихтиро қилди.
• 1900 йил — Францияда аёллар ва болаларнинг иш куни 11 соатдан ошишини тақиқловчи қонун қабул қилинди.
• 1900 йил — автомобилларнинг биринчи рекламаси АҚШнинг «Saturday Evening Post» газетасида пайдо бўлди.
• 1901 йил — биринчи «Mercedes-Benz» автомобили чиқарилди.
• 1909 йил — «Титаник» кемасини қуриш бошланди.
• 1917 йил — АҚШ Даниядан Виргин оролларини 25 млн. долларга сотиб олди.
• 1918 йил — АҚШ илк маротаба ёзги вақтга ўтди.
• 1923 — Бенито Муссолини Италияда саккиз соатлик иш куни жорий этди.
• 1949 йил — Нюфаундленд Канаданинг 10-вилоятига айланди.
• 1954 йил — собиқ СССР ўзини аъзоликка қабул қилишни сўраб НATOга мурожаат қилди. Шимолий Атлантика алянси рад жавобини берди.
• 1955 йил — собиқ СССР ГДРга Дрезден галереяси хазинасини қайтарди.
• 1959 йил — Буюк Британия собиқ бош вазири Уинстон Черчиллнинг уйидан ўғрилар 10 минг фунт стерлинг ўмаришди.
• 1966 йил — Бойқўнғирдан Ойнинг биринчи сунъий йўлдоши — «Луна-10» станцияси ортилган «Молния» ракетаси учирилди.
•  1967 йил — Франция НАТО таркибидан чиқишга қарор қилганидан сўнг ташкилотнинг штаб-квартираси Париждан Брюссел(Белгия)га кўчирилди.
• 1979 йил — Исроил ва Миср ярашув битимини имзолади.
• 1991 йил — Варшава шартномаси ташкилотининг навбатдан ташқари ўтказилган йиғилишида ташкилотнинг ҳарбий тузилмалари бекор қилинди.
• 1991 йил — Грузияда ўтган референдумда аҳолининг 90 фоизи мустақиллик учун овоз берди.
• 1992 йил — Локербида «Пан Америкен» самолёти портлатилишида гумонланган икки шахсни беришдан бош тортгани учун Ливияга қарши БМТ санкциялар жорий этди.
• 1994 йил — МДҲга БМТда кузатувчи мақоми берилди.
• 1999 йил — «Матрица» филми экранларга чиқди.

Таваллуд кунлари

• 250 йил — Констанций I Хлор, Рим императори, Константинлар сулоласи асосчиси.
• 1499 йил — Пий IV (Жованни Анжело де Медичи), Рим папаси.
• 1519 йил — Генрих II, француз қироли.
• 1596 йил — Рене Декарт, француз файласуфи, математик, физик.
• 1685 йил — Иоганн Себастян Бах, буюк немис бастакори.
• 1732 йил — Франц Йозеф Ҳайдн, австриялик машҳур бастакор.
• 1788 йил — Рама III, Сиам қироли.
• 1811 йил — Роберт Вилҳелм Бунзен, немис кимёгари, цезий ва рубидийни кашф этган, газўчоқни ихтиро қилган.
• 1939 йил — Звиад Гамсахурдия, Грузиянинг биринчи президенти.
• 1948 йил —Алберт Гор, Билл Клинтон пайтида АҚШ вице-президенти.