Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Ички ишлар вазири қўл остидагилардан аҳолининг ишончини оқлашни талаб қилди

Ички ишлар вазири қўл остидагилардан аҳолининг ишончини оқлашни талаб қилди

Куни кеча Ўзбекистон Республикаси Ички ишлар вазирлигида марказий аппарат ва республиканинг барча ҳудудларидаги ички ишлар органлари раҳбарлари иштирокида жорий йилнинг биринчи чорагида жиноятчиликка қарши курашиш, ҳуқуқбузарликлар профилактикаси ва жамоат хавфсизлигини таъминлаш борасида амалга оширилган ишлар, йўл қўйилган камчиликлар ва келгуси вазифалар таҳлилига бағишланган ҳайъат йиғилиши видеоселектор тарзида бўлиб ўтди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар бериб ўтди.

Ҳайъат йиғилишини Ўзбекистон Республикаси Ички ишлар вазири, генерал-лейтенант П.Бобожонов очди ва олиб борди.

Йиғилишда таъкидланганидек, 2019 йилнинг уч ойи давомида рес­публика ҳудудида ўтган йилнинг шу даврига нисбатан барча жиноятлар 31,6 фоизга, жиноят-қидирув йўналишида содир этилган жиноятлар 40,8 фоизга камайишига эришилди. Шунингдек, 78 фоиз маҳаллада умуман жиноят содир этилишига йўл қўйилмади.

Ҳайъат йиғилишда ўтган вақт давомида республикада муайян натижалар қўлга киритилганига қарамасдан, айрим ҳудудларда жиноятларни барвақт олдини олишда кузатилаётган камчиликлар танқид қилинди.

Жиноятларнинг баъзи турлари бўйича ўсиш кузатилган вилоятлар, шаҳар ва туман ички ишлар органлари раҳбарларининг ҳисоботлари тингланди ҳамда бир қатор раҳбарлар камчиликларни бартараф этиш юзасидан огоҳлантирилди.

Йиғилишда, шунингдек, келгусида ҳуқуқбузарликларнинг барвақт олдини олиш, жиноятчиликка нисбатан муросасизлик муҳитини шакллантириш, аҳолининг энг муҳим муаммоларини ҳал қилиш орқали уларнинг ишончини оқлаш зарурлиги алоҳида таъкидланди.

Албатта, юқори натижаларга эришган ҳудудлар тажрибасидан ўрнак олиш, уларнинг иш услубларини жойларга татбиқ қилиш, инновацион технологиялардан кенг фойдаланиш бўйича тегишли кўрсатмалар берилди.

Ҳайъат йиғилиши якунида бажарилиши лозим бўлган ишлар қизғин муҳокама қилиниб, галдаги вазифалар белгилаб олинди.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг