Илк кузги аёз кутилмоқда. Беш кунлик об-ҳаво маълумоти
Кеча республикамизнинг катта қисмида кўпроқ октябрь ойи учун хос бўлган илиқ ва очиқ об-ҳаво кузатилди. Ҳарорат кундузи 22-25 даража илиқ бўлди. Бу ҳолат шу куннинг меъёрий кўрсаткичларидан 3-5 даражага юқори. Бу ҳақда Ўзгидромет хабар бериб ўтди.
Аммо энди об-ҳаво ҳарорати сезиларли даражада тушди. Мамлакатимизнинг шимолига Урал ҳудудидан салқин ҳаво оқими кириб келишни бошлади. Хоразм вилояти, Қорақалпоғистонда ёғингарчилик, Устюртда эса биринчи қор ёғди. Ушбу жойларда ҳарорат 10-15 даража, Устюртда айрим жойларда 0 даражагача пасайди.
Кечаси совуқ оқим республиканинг барча ҳудудларига тарқалди, мамлакатимиз бўйлаб ёмғир ёғиб, айрим жойларда жалага айланиб ҳарорат кескин пасая бошлади. Бугун ёғингарчилик тўхтайди, ҳарорат 8-10 даражани, шимолда 3-8 даражани ташкил қилади.
5 ноябрдан 9 ноябргача Ўзбекистонда совуқ антициклон ҳукмронлик қилади, об-ҳаво кам булутли бўлиб ёғингарчилик бўлмайди, фақат кечаси ва 5 ноябрь куни тонгда Сурхондарё вилояти ва Фарғона водийси вилоятларида ёмғир ёғиш эҳтимоли сақланиб туради. Кечаси ҳарорат 0-5 даража илиқ атрофида бўлади.
5-7 ноябрда илк кузги аёз кузатилади, кундузги ҳарорат 5-7 ноябрда 8-13 даража, 8-9 ноябрда 10-15 даража илиқ бўлади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter