Ўзбекистон матбуот эркинлиги рейтингида юқорилаб, 156-ўринга чиқди
Ўзбекистон «Reporters Without Borders» (Чегара билмас мухбирлар) ташкилотининг матбуот эркинлиги рейтингида ўз рейтингини 4 тага яхшилаб, 180 давлат орасида 156-ўринни эгаллади.
Ташкилот томонидан ОАВ сифатида рўйхатдан ўтиш осонлаштирилгани эътироф этилган. Жонли сиёсий кўрсатувлар пайдо бўлганлиги ва баъзи журналистлар бугунги кунда коррупция ва мажбурий меҳнат каби нозик мавзуларни ёритаётгани ҳам назардан четда қолмаган.
Ўзбекистоннинг хорижлик журналистларга эшик очгани ҳам айтилган, бироқ баъзи хорижий нашрларга кириш бўйича ҳали ҳам қийинчиликлар борлиги танқид қилинган.
Рейтинг бўйича Марказий Осиёнинг бошқа давлатлари қуйидагича натижа қайд этган:
-Қирғизистон - 82-ўрин
-Қозоғистон - 157-ўрин
-Тожикистон 161-ўрин
-Туркманистон - 179-ўрин
Норвегия рейтинг етакчилигини бой бермади. Финляндия иккинчи, Дания эса учинчи ўринни эгаллади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter