Қонунчиликдаги ноаниқликлар тадбиркор фойдасига талқин қилинади
Президент фармонида тадбиркорлик субъектларининг ҳуқуқий ҳимоясини кучайтиришга қаратилган «тадбиркорлик субъектининг ҳақлилик презумпцияси» белгиланди.
Унга кўра, давлат органи томонидан акси исботланмагунча тадбиркорлик субъекти ва унинг мансабдор шахси қонунчиликка мувофиқ ҳаракат қилган ҳамда ўз мажбуриятларини лозим даражада бажарган деб ҳисобланади.
Судда тадбиркорга нисбатан ҳуқуқий таъсир чораси қўллаш учун унинг асосли, қонуний ва мутаносиб эканини, шунингдек, ҳуқуқбузарлик фактини исботлаш мажбурияти давлат органига юкланади.
Қонунчиликдаги бартараф этиб бўлмайдиган зиддиятлар, ноаниқлик ва тушунмовчиликлар, шунингдек, далиллар етарли эмаслиги туфайли юзага келадиган шубҳалар тадбиркорлик субъекти фойдасига талқин қилинади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter