«Суд-экспертлик фаолияти тўғрисида» ги Қонун (ЎРҚ–1152-сон, 11.06.2026 й.) қабул қилинди.

Унга кўра, суд экспертизасини тайинлаган орган (шахс) тадқиқотларни ўтказиш ва хулоса бериш учун суд экспертига зарур тадқиқот объектларини ҳамда иш материалларини тақдим этади. 

Суд экспертизасини тайинлаган орган (шахс) тадқиқот учун намуналар олади ва уларни процессуал қонунчиликда белгиланган тартибда ишга қўшиб қўяди. 

Суд экспертизасини ўтказиш муддатлари 30 календар кундан иборатдир. 

Суд экспертизасини 30 кун мобайнида ўтказиш имкони бўлмаганда, экспертиза тайинлаган органга (шахсга) муддат тугашига 3 иш куни қолгунига қадар бу хабар қилинади ва мазкур орган (шахс) билан келишилган муддатгача узайтирилиши мумкин.

Суд эксперти ёки суд экспертлари комиссияси тадқиқотларни ўтказиб бўлганидан кейин тегишинча суд эксперти ёхуд суд экспертлари комиссияси таркибига кирувчи ҳар бир суд эксперти имзоси билан тасдиқланадиган хулоса тузади.