44 ёшли Г.Р. 2017 йилнинг июнь ойидан сентябрь ойигача бўлган вақт оралиғида 50 ёшли О.Р.нинг ишончига кириб, унга Урганч тумани жойлашган ўзига тегишли бўлган 700 кв.м. майдонли нотурар бинони сотишини айтиб ундан жами 59.400.000 сўм ва 3.700 АҚШ доллар пулларини олган.

Аммо О.Р.га 700 кв.м. нотурар бинони бермасдан, ушбу пулларни шахсий эҳтиёжлари учун ишлатиб юборган. Бу ҳақда ИИВ ҳузуридаги Тергов департаменти хабар берди. 

Бундан ташқари Г.Р., ўзининг жиноий ҳаракатларини давом эттириб, фуқаро Б.Т.га ҳар бири 288 кв.м.ли иккита биноларни жами 11.000 АҚШ долларига сотишга келишиб, ундан жами 24.400.000 сўм ва 2.200 АҚШ доллар пулларини олган. сўнг Б.Т.га нотурар бинони бермасдан, пулларни ўзининг шахсий эҳтиёжларига сарфлаб, қасддан фирибгарлик жиноятларини содир қилган.

Жабрланганларнинг аризасига кўра Урганч туман ИИБ ҳузуридаги Тергов бўлими томонидан 23 январь куни фуқаро Г.Р.га нисбатан Ўзбекистон Республикаси Жиноят кодексининг 168-моддаси 3-қисми «б»  банди (фирибгарлик) билан жиноят иши қўзғатилган.

Ҳозирда дастлабки тергов ҳаракатлари олиб борилмоқда.