«Google» «Евровидения-2019»да ким ғолиб чиқишини башорат қилди
«Google» компанияси турли мамлакатлардаги фойдаланувчиларнинг сўровлари таҳлили асосида «Евровидения-2019» танловининг энг таниқли иштирокчиларини аниқлади.
Тадқиқотга кўра, Франция вакили Билол Ассани бу галги қўшиқлар танловининг ғолиби бўлади, Исландиянинг «Hatari» гуруҳи эса иккинчи ўринни эгаллайди.
«Агарда мамлакатларга баллар уларнинг қатнашчиларини бошқа мамлакатларда яшовчилар қанчалик фаол қидираётганига қараб берилса, Россия учинчи ўринни эгаллаган бўларди», — компаниянинг пресс-релизига асосланган ТАСС шундай хабар бермоқда.
Шунингдек, «Google» талқинига кўра, кучли бешликка Нидерландия ва Беларусь вакиллари ҳам кириши кутиляпти. Кейинги ўринларни эса Кипр, Швейцария, Италия, Сан-Марино ва Сербия эгаллаши мумкин.
Таъкидлаш ўринлики, сўровларни ҳисоблаш тизими 2017 йили «Евровидения» ғолиби ким бўлишини олдиндан тўғри аниқлай олганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter