Боксдан қизлар ўртасида илк жаҳон чемпиони чиқди!
Польшанинг Кельце (Kielce) шаҳрида бокс бўйича ёшлар ўртасида жаҳон чемпионати бўлиб ўтмоқда. Чемпионатда 54 кг вазн тоифасида мамлакатимиз шарафини ҳимоя қилаётган Нигина Ўктамова барча рақибаларини мағлуб этиб, жаҳон чемпиони бўлди.
У финал жангида украиналик Кристина Лакичук устидан ишончли ғалабага эришди.
Нигина Ўктамова Жиззах давлат педагогика институтининг Жисмоний маданият факультети 1-курс талабаси. У 2003 йилда Самарқанд вилоятининг Иштихон туманида туғилган.
Ватандошимиз Нигина Ўктамова ўзбек боксчи қизлари ичида жаҳон чемпиони мақомига эришган илк спортчига айланди. Ушбу ғалабаси билан у ўзбек бокси тарихида янги саҳифа очиб берди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter