Лазизбек Муллажонов уч йилга дисквалификация қилинди
Олимпия чемпиони Лазизбек Муллажонов допинг-тестнинг ижобий натижаси сабаб мусобақаларда иштирок этишдан уч йилга четлатилди.
Бу ҳақда World Boxing федерациясининг мустақил антидопинг дастури учун масъул бўлган Халқаро тест агентлиги маълум қилди.
Ташкилот маълумотларига кўра, спортчи мусобақадан ташқари олинган намуна метастерон метаболитларига ижобий натижа кўрсатганидан сўнг дисквалификацияга розилик билдирган. Бу — мушакларнинг тез ўсиши, куч ва чидамлиликнинг ошишига ёрдам берадиган синтетик анаболик андроген стероид ҳисобланади. У мусобақа пайтида ҳам, мусобақадан ташқарида ҳам тақиқланган.
Намуна жорий йил 11 июнь куни мусобақадан ташқари допинг назорати доирасида олинган. Июль охирида Муллажонов вақтинча дисквалификация қилинган эди.
Лазизбек Муллажонов 92 кг вазн тоифасида Париж-2024 Олимпиадаси ғолиби саналади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter