«Манчестер Сити» спорт директори Чики Бегиристайн Чемпионлар лигасининг 1/8 финал босқичига қуръа ташлаш натижаларига кўра, клубнинг «Реал» билан ўйнашини танқид қилди. Унинг сўзларини Marca нашри келтирмоқда.

«Қандай шармандалик, мен бу шарчалардан чарчадим - ҳаммаси аввалгидай бир хил. Ўтган йилгидек сценарий - фақат «Ливерпул» «Арсенал»га алмаштирилди», деди у.

«Манчестер Сити» ва «Реал Мадрид» кетма-кет учинчи марта Чемпионлар Лигаси плей-оффида ўйнайди. Ўтган мавсумда Мадридда бўлиб ўтган биринчи ўйин 1:1 ҳисобида якунланган ва Манчестерда «шаҳарликлар» рақибини 4:0 ҳисобида мағлуб этишганди.

Дастлабки ўйинлар 9-10 апрель кунлари бўлиб ўтади. Жавоб ўйинлари 16 ва 17 апрель кунлари бўлиб ўтади.

Бугун, 15 март куни УЕФА Чемпионлар лигаси чоракфинал ва яримфинал баҳсларига қуръа ташлаш маросими бўлиб ўтди.

Қуръага кўра, 1/4 финалда қуйидаги жуфтликлар ўйнайдиган бўлди:

 «Арсенал» – «Бавария»

«Атлетико» – «Боруссия» Дортмунд

«Реал» – «Манчестер Сити»

«ПСЖ» – «Барселона»

Турнирнинг амалдаги ғолиби - финал учрашувида Италиянинг «Интер» клубини мағлуб этган «Манчестер Сити»дир. Ўтган йилги финал учрашуви 1:0 ҳисобида якунланди.