Мбаппе янги клуби билан 5 йиллик шартнома имзолади
«ПСЖ» ҳужумчиси Килиан Мбаппе фаолиятини «Реал»да давом эттиради. Франциялик футболчи «Қироллик клуби» билан 2029 йилгача мўлжалланган шартнома имзолади, деб хабар бермоқда Испаниянинг Marca нашри.
Манбага кўра, Мбаппенинг «Реал» билан шартномаси 2024 йилнинг 1 июлидан кучга киради. Аввалроқ Килиан «ПСЖ» раҳбарияти билан учрашиб, унга шартномани узайтириш бўйича янги таклифлар киритмасликни сўраган, чунки у «Реал» билан келишиб бўлган.
Мбаппе 2018 йилдан бери «ПСЖ»да ўйнаб келмоқда. Бу даврда у барча турнирларда 290 та учрашувда қатнашиб, 243 та гол ва 105 та голли узатмани амалга оширган. Футболчининг клуб билан амалдаги меҳнат шартномаси 2024 йилнинг ёзига қадар амал қилади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter