Роналду «Ювентус» машғулотида қатнашмади. Сабаби — жамоадоши Ругани коронавирусга чалинган
«Ювентус» клуби ҳимоячиси Даниэл Ругани коронавирусга чалингани ҳақида хабар берилган эди. Ушбу ҳолат клубга ўз таъсирини ўтказишни бошлади.
Хусусан, жамоа етакчиси Криштиану Роналду бугун «Ювентус»нинг эрталабки машғулотларига қатнашмади. У ҳали ҳамон ўз она шаҳри Мадейрада бўлиб турибди. Ҳужумчи қачон Туринга келиши маълум эмас.
Клубда эса фавқулодда вазият ҳукм сурмоқда. Ругани карантинга олинган ва даволаниши бошланган. Футболчи билан яқин алоқада бўлган клубнинг бошқа аъзолари ҳам алоҳида рўйхатга олинган. Эҳтиёт чораси сифатида барча футболчилар тиббий назоратдан ўтказилади.
Сўнгги маълумотларга кўра, Италияда коронавирусдан касалланганлар сони 12 мингда минг нафардан ошган. 820 нафардан ортиқ киши вафот этган. Мамлакатда барча оммавий тадбирлар, шу жумладан, футбол ўйинлари ҳам қолдирилган.
Манба: uff.uz
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter