U-23 ОЧ. Ўзбекистон - Япония учрашуви бир дақиқалик сукут билан бошланади
Хабарингиз бор, кеча 18 январь куни Қозоғистоннинг Актобе вилояти Иргиз туманида фожиа рўй берди. Россияга кетаётган автобусда ёнғин чиқиши натижасида 52 киши ҳалок бўлди ва 5 киши жабрланди.
Ҳалок бўлганларнинг деярли бари ўзбекистонлик. Ҳодиса жойига Ўзбекистон Президенти Шавкат Мирзиёев топшириғига кўра тузилган махсус ҳукумат комиссияси аъзолари йўл олган бўлиб, фожиа сабаблари ўрганилмоқда.
ЎФФ расмий сайтида ёзилишича, ҳалок бўлганларнинг хотирасини ёд этиш учун бугун 23 ёшгача бўлган футболчилар ўртасидаги Осиё чемпионатидан ўрин олган Ўзбекистон ва Япония терма жамоалари иштирокидаги чорак финал учрашуви бошланишидан аввал бир дақиқалик сукут сақланади.
Ўзбекистон футбол федерацияси Қозоғистонда рўй берган фожиада ҳалок бўлганларнинг оила аъзолари ва яқинларига чуқур ҳамдардлик билдирди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter