Технологиялар бўйича анъанавий кўргазманинг навбатдагиси — CES 2022 ҳам ортда қолди. Коронавирус пандемияси сабабли бир пайтлардаги гавжумликдан асар ҳам йўқ. Бироқ технологиялар бир жойда тўхтаб қолган ҳам эмас: энг кучли ноутбуклар ва бутловчи қисмлар, концептуал қурилмалар кўргазмада тақдим этилди. TJ нашри ана шулар орасидан энг ғайриоддий ва диққатга сазоворлари рейтингини тузди.

Демак, рўйхатнинг бошида — ўйин учун мўлжалланган эгилувчи энг катта Samsung Odyssey Ark OLED-монитори. Бу экранга учтагача иш столи сиғади.

Samsung, бундан ташқари, ажойиб портатив қурилмани тақдим этди: проектор, ақлли колонка, чироқ — ҳаммаси биттада.

Рўйхатда дунёдаги энг катта OLED-телевизор — 97 дюймли LG ҳам бор.

Рангини ўзгартирувчи автомобил — BMW. Битта тугма босилса бас, оқ машина кулранг тусга киради.

Навбатдаги қурилма — Razer стол ўйин компьютери. Ушбу модул қурилмага диагонали 65 ёки 77 дюймли OLED-дисплейларни улаб ишлатса бўлади.

Ноутбуклар орасида экрани 17,3 дюймли ASUS Zenbook 17 Fold OLEDни алоҳида ажратиб кўрсатиш мумкин. Қурилма универсал: ноутбук, планшет, китоб ва бошқа вазифаларни бажаради.

Мустақил ҳаракатлана олувчи стол — Labrador Systems хонадон робот-ёрдамчиси.

TP-Link роутери эса сигнални яхшироқ топиш учун тўртта антеннасини автомат тарзда айлантириб туради.

Қурилмалар рўйхатини Loreal тақдим этган сочларни уй шароитида бўяш имконини берувчи мослама якунлаб беради.