Андроид қурилмалар учун Xabar.uz мобил иловаси. Юклаб олиш ×

Навбат дрон кемаларга. Улар океанни мониторинг қилади

Навбат дрон кемаларга. Улар океанни мониторинг қилади

Фото: «Bluebird-electric.net»

Британиянинг «Autonaut» стартапи океанни мониторинг қилиш мақсадида денгизчиларсиз бошқариладиган қайиқ яратди. «Денгиз санитари» номини олган лойиҳа тўлқинлар энергияси ҳисобига ишлайди, датчиклари эса қуёшдан қувват олади, деб хабар берди «Hi-tech.mail.ru».

Денгиз ва океанларнинг мониторинги инсоният учун жуда муҳим ҳисобланади. Бироқ ёқилғи сарфи инсонлар учун ушбу масалани мушкуллаштириб келарди. «Autonaut» лойиҳаси сабаб олимлар экологик тоза маҳсулотни яратди. У минимал сарф-харажатлар эвазига океаннинг энг чекка нуқталарига қадар етиб боришга қодир.

Дрон қайиқлар денгиз тўлқинлари ҳисобига ҳосил бўладиган энергия натижасида ҳаракатланади. Қайиқ ўз тезлигини соатига 5,5 километрга қадар чиқара олади, шунингдек, у тўфонли шароитларда ҳам сузишга қодирлиги айтилмоқда.

Мазкур лойиҳа тўлқинли двигателларнинг тижорат мақсадида илк бор қўлланилиши. У шу қадар шовқинсизки, ҳатто дельфинларнинг «суҳбати»ни аниқлашга ҳам тўсқинлик қилмайди. «Autonaut» энг замонавий датчиклар ёрдамида маълумотларни сунъий йўлдош орқали реал вақт режимида узатишга қодир.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг