Eskirib qolgan ko‘p qavatli uylar o‘rnida yangilari quriladi
«Faol investitsiyalar va ijtimoiy rivojlanish yili» Davlat dasturiga muvofiq, eskirib qolgan ko‘p qavatli uylar o‘rnida bosqichma-bosqich yangi uy-joylar quriladi. Bu haqda «Huquqiy axborot» kanali xabar berdi.
Davlat dasturiga muvofiq:
- qishloq joylarda fuqarolarning alohida toifalari uchun 15 010 ta arzon uy-joylar quriladi;
- shaharlarda 355 ta ko‘p qavatli uylar quriladi;
- 879,4 km ichimlik suvi va 57,6 km oqova suv tarmoqlari hamda 134 ta ichimlik suvi hamda 3 ta oqova inshootlari rekonstruksiya qilinadi va quriladi;
- ko‘p qavatli uy-joy fondi to‘liq inventarizatsiyadan o‘tkazilib, xorijiy tajriba asosida renovatsiya dasturi ishlab chiqiladi. Bunda eskirib qolgan ko‘p qavatli uylar o‘rnida bosqichma-bosqich yangi uy-joylar qurish nazarda tutiladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter