Telegram asoschisi BAAning eng boy kishisiga aylandi
Forbes nashri Telegram messenjeri asoschisi va egasi Pavel Durovning boyligini 15,1 mlrd dollarga baholadi. Bu uning Birlashgan Arab Amirliklarida yashovchi eng boy inson ekanini anglatadi.
Durov hozir BAAda yashaydi — 2022-yil boshida ushbu mamlakat pasportini olgan. Bundan tashqari, Rossiya, Fransiya hamda Sent-Kits va Nevis orol-mamlakati fuqarosi ham sanaladi.
Forbes jurnalining global milliarderlar reytingida Durov 123-o‘rinda. Jurnalning ruscha talqini 2021-yilda uni rossiyalik boylar orasida to‘qqizinchi o‘rinda joylashtirgandi.
2022-yilda Durovning boyligi kamaydi — o‘tgan yili Forbes uning boyligini $17 mlrd deb baholagandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter