Аёл илонлар билан тўла қудуқда 54 соат қолиб кетди
Хитойлик аёл илонлар билан тўла эски қудуққа тушиб кетиб, у ерда 54 соат жон сақлади. Бу ҳақда South China Morning Post хабар берди.
Нашр ёзишича, 48 ёшли аёл ўрмонда сайр қилиб юриб, баланд ўтлар орасида яширинган чуқур ташландиқ қудуққа тасодифан тушиб кетган. Ва у ердан ўз кучи билан чиқа олмаган.
Аёл қудуқ деворидаги тошга ёпишиб, сув илонлари ва чивинларнинг чақишига қарамай, икки кундан ортиқ шу алфозда жон сақлади. Уни овозидан топиб келишди ва қудуқдан чиқариб олишди.
Жабрланувчининг икки қовурғаси синган, ўпкасига ҳам озроқ шикаст етган.
Аёлнинг айтишича, бир неча бор таслим бўлмоқчи бўлган, аммо қизи ва кекса ота-онаси ҳақидаги ўйлар унга умид берган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter