Эронга қарши уруш ҳозиргача АҚШга 25 миллиард долларга тушган. 

Reuters агентлигининг хабар беришича, Пентагоннинг молиявий ишлар бўйича ёрдамчиси вазифасини бажарувчи Жулес Ҳурст Вакиллар палатасидаги эшитувида бу ҳақда гапирди. 

Унинг сўзларига кўра, бу маблағларнинг катта қисми ўқ-дориларга сарфланган. 

28 феврал куни Қўшма Штатлар ва Исроил Эронга қарши ҳарбий операцияни бошладилар ва бир нечта шаҳарларга ҳаво ҳужумларини уюштирдилар. Бунга жавобан Эрон Исроил ҳудудига ракета ҳужумларини уюштирди ва Форс кўрфазидаги Америка ҳарбий базаларига ҳужум қилди. 

2026 йил 8 апрелга ўтар кечаси Эрон, Қўшма Штатлар ва уларнинг иттифоқчилари икки ҳафталик сулҳга келишиб олдилар. 11-12 апрел кунлари Покистон воситачилигида Исломободда Эрон ва Қўшма Штатлар ўртасида музокаралар бўлиб ўтди. Узоқ музокаралардан сўнг, томонлар келишувга эришмасдан учрашувни якунладилар. 

Теҳронга босим ўтказиш учун АҚШ Эрон портлари ва Ҳўрмуз бўғози орқали ўтишни блокада қилганини эълон қилди. Эрон, ўз навбатида, Ҳўрмуз Форс кўрфазига йўл олган кемалар учун аллақачон ёпиқ эканлигини эълон қилди. Минтақадаги вазият, ўз навбатида, глобал энергия инқирозини келтириб чиқарди.