Европа Иттифоқи Россияга қарши, кейинчалик АҚШ билан келишиб олинадиган, янги санкциялар пакетини тайёрламоқда.

Франция ташқи ишлар вазири Жан-Ноэл Барротнинг айтишича, бу агар Москва Украинада сулҳ битимини рад этишда давом этса ишга тушиши мумкин.

«Биз, европаликлар, Американинг бу ташаббусини ўн еттинчи санкциялар пакети билан қўллаб-қувватлаймиз. Мен кеча [АҚШ сенатори] Линдси Гремга ушбу икки санкциялар пакетини ҳам мазмунан, ҳам вақт жиҳатидан мувофиқлаштиришга ҳаракат қиламиз, деб ваъда берган эдим,», –деди Барро.

Янги санкциялар пакетига нималар киритилиши мумкинлиги ҳақида ҳеч қандай маълумот берилмаган.

Франция ТИВ раҳбари Владимир Путинни Украинада тинчлик ўрнатиш йўлидаги «ягона тўсиқ» деб атаган ва Киев «келишувнинг ўзига тегишли қисмини бажарганини» таъкидлаган.

Бир кун аввал республикачи сенатор Линдси Грем унинг 72 нафар ҳамкасби Москва тинчлик музокараларидан бош тортган тақдирда киритиладиган Россияга қарши санкцияларга доир қонун лойиҳасини қўллаб-қувватлаганини айтди.