Ким Чен Ин эҳтимолий вориси билан Хитойга келди
Шимолий Корея етакчиси Ким Чен Ин ўзининг эҳтимолий вориси билан Пекинга келди.
Шимолий Корея етакчиси қизи Ким Жу Ае билан бирга Пекинга етиб келди, ушбу шаҳарда эртага кенг кўламли ҳарбий парад бўлиб ўтади.
Хитойнинг Синхуа ахборот агентлиги томонидан чоп этилган суратларда Ким Чен Ин қизи ҳамроҳлигида Пекин вокзалида зирҳли поезддан тушаётгани акс этган.
Жанубий Корея разведкаси аввалроқ таъкидлаганидек, Ким Жу Ае КХДР етакчисининг "эҳтимолий" вориси ҳисобланади.
2022 йилнинг кузидан бошлаб Ким Жу Ае отасининг ёнида тез-тез омма олдида пайдо бўла бошлади, аммо у ҳақида жуда кам маълумот мавжуд.
Хусусан, унинг ёши номаълумлигича қолмоқда. 2023 йилда Жанубий Корея Миллий разведка хизмати унинг тахминан 10 ёшда эканлигини маълум қилди.
Пекинда милитаристик Япония устидан қозонилган ғалаба ва Иккинчи жаҳон уруши якунланганининг 80 йиллигига бағишланган ҳарбий парадда Кимдан ташқари 20 дан ортиқ давлат раҳбарлари иштирок этди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter