Немрут тоғининг чўққиси ва Фурот дарёсининг манзараси — Туркияда қуёш чиқиши ва ботишини томоша қилиш мумкин бўлган энг гўзал жойларидан биридир.

Денгиз сатҳидан 2150 метр баландликда жойлашган бу муҳташам тоғнинг янада ажиб жиҳати — Коммагения қироллигининг ёдгорликлари, яъни икки минг йил давомида турган оҳактош блоклардан ясалган улкан ҳайкаллардир.

1987 йилда ЮНEСКОнинг Жаҳон мероси рўйхатига киритилган Немрут тоғи дунёдаги энг мафтункор чўққилардан биридир. Немрут тоғи Туркиянинг жануби-шарқий Анадолу вилояти Каҳта туманида жойлашган бўлиб, қадимдан цивилизация ва маданиятларга ватан бўлган сўнган вулқон ҳудудидир. Денгиз сатҳидан 2150 метр баландликда жойлашган Немрут тоғи Малатя ва Адияманнинг ажойиб манзараларини тақдим этади.

Саккиз метрдан 10 метргача бўлган улкан ҳайкаллар оҳактош блоклардан ясалган бўлиб, баъзиларининг оғирлиги тўққиз тоннагача.

Ушбу чўққи сайёрадаги энг гўзал жойлардан бири ва ҳаяжонли қуёш чиқиши ва ботишини томоша қилиш учун ажойиб жой. Ҳар йили ўн минглаб меҳмонлар чексиз уфқ чизиғида олтин, қип-қизил ва жозибали рангларнинг қоришишини кузатиш учун чўққига чиқишади. Мавсум қандай бўлишидан қатъи назар, Немрут тоғининг чўққиси қуёш чиқиши ва ботиши пайтида совуқ бўлади, шунинг учун иссиқ кийим кийиш тавсия этилади.