Россия президенти Владимир Путин Украина раҳбари Владимир Зеленскийнинг очиқ хати ҳақида гапирди. 

Санкт-Петербург халқаро иқтисодий форуми давомида бўлиб ўтган сессияда Россия президенти Владимир Путин украиналик ҳамкасби Владимир Зеленскийнинг очиқ хатига изоҳ берди, унда у Россия раҳбарини музокаралар ўтказишга чақирган эди.

Путин мазкур учрашувда маъно кўрмаётганини таъкидлаб ўтди. Унинг айтишича, учрашув учун маълум келишувлар керак (у аввалдан бу ҳақда иддао қилиб келади). Ҳозирда «Киев урушни вақтинча тўхтатишга уринмоқда» дейди у. 

Путин май ойи ўрталарида Россия бизнес ҳамжамияти вакилининг қўнғироғини эслади, хатда гўёки унга Киевга таклифнома юборилганини маълум қилган. Путин бизнесменнинг исмини айтмади, лекин уни узоқ вақтдан бери билганини таъкидлади. 

Путиннинг сўзларига кўра, 21 май куни бизнесмен Киевга ташриф буюрган ва Владимир Зеленский билан унинг қароргоҳида учрашган. Кейин у Россия президентига қўнғироқ қилган ва гўёки Украина президентининг музокаралар учун учрашув ўтказиш илтимосини етказган. Бироқ, эртаси куни Украина қуролли кучлари Старобилскдаги ётоқхонага ҳужум қилган. Кейин, унинг ўзи таъкидлашича, эски танишига қўнғироқ қилиб,«Бу нима?» деб сўраган. 

Путиннинг сўзларига кўра, бизнесмен бу саволни Киевдаги ҳамкасбига беришга ваъда берган, аммо улар бошқа ҳеч қачон гаплашмаган. Зеленский билан учрашишга тайёрлиги ҳақида сўралганда, Путин бунинг ҳеч қандай маъносини кўрмаётганини айтди ва кейин фронт чизиғидаги рус қўшинларига шундай сўзлар билан мурожаат қилди: «Ишланг, биродарлар».

Таҳлилчиларга кўра, Путиннинг бу сўзлари унинг урушни тўхтатиш нияти йўқлигини кўрсатади.