Эдуард VIII Буюк Британия тарихида энг баҳсли шахслардан бири. У қирол Георг V ва қиролича Мариянинг тўнғич ўғли эди. Ёшлигидаёқ замонавий қарашлари ва эркин ҳаёт тарзи билан ажралиб турган. 1910 йилдан бошлаб Уэльс шаҳзодаси унвонини олади ва чиқишлари орқали жамоатда катта шуҳрат қозонади.

Лекин Эдуарднинг шахсий ҳаёти империя анъаналарига зид эди. Унинг Уоллис Симпсон исмли америкалик аёл билан муносабати бутун мамлакатда тортишувларга сабаб бўлади. Уоллис икки марта турмуш қурган, ўшанда ҳам ажрашиш жараёнида эди. Англия черкови ва ҳукумат бу никоҳни бўлажак қирол учун мутлақо мумкин эмас, деб ҳисоблайди.

1936 йилда тахтга чиққан Эдуард VIII барча учун кутилмаган қарор қабул қилади. У севган аёлидан воз кеча олмайди ва тахтни укаси Георг VI фойдасига тарк этади. Бу ҳодиса тарихда «Абдикация инқирози» номи билан қолган. Эдуард шу орқали Буюк Британия тарихида ихтиёрий равишда тахтдан воз кечган ягона қирол бўлди.

Шундан кейин у Виндзор герцоги унвонини олади ва умрининг катта қисмини хорижда, асосан, Франция ва АҚШда ўтказади. Ҳукмронлик қилиш имкониятини йўқотган бўлса ҳам, Эдуард VIII ўз муҳаббатини танлаган ва шу билан тарихда «севги учун тахтни тарк этган қирол» сифатида қолган.

Нурбек Алимов тайёрлади